БИШКЕК, 11-янв. — Sputnik. Каба уулу Кожомкул атындагы Спорт сарайында "Наристе – 2016-жыл" деп аталган жаңы жылдык турнир аяктады. Бул туурасында КРдин Футбол боюнча федерациясы билдирди.
Спорттук иш-чара 3-январда башталып, ага 60ка чукул команда катышты. Мамлекеттик органдар арасынан биринчиликти Мамлекеттик салык кызматы, экинчи орунду Улуттук Банк, ал эми үчүнчү орунду Байланыш боюнча Мамлекеттик агенттик алды.
Күч түзүмдөрүнүн ичинен биринчиликке Жаза аткаруу боюнча мамлекеттик кызмат жетишти. Экинчи орун Мамлекеттик Бажы кызматына, үчүнчү орун Мамлекеттик салык кызматына ыйгарылды.
Ардагерлер арасынан 35 жаштан өйдөгүлөр арасынан мыкты деп "Альфа-Налоговик" командасы, 45 жаштан жогоркулардын ичинен "Megacom" командасы аталды. "Наше пиво" футзалисттер арасында 50 жаш курактагылардан өткөндөрдүн арасында биринчиликти алды.
