БИШКЕК, 7-янв.— Sputnik. Жер-жемишти жана жашылчаны дүңүнөн саткан түрк компаниялары 1-январдан тарта күчүнө кирген Россиянын чектөөлөрүнөн улам банкрот боло баштады деп жазат Today's Zaman гезитине таянуу менен РИА Новости.
Өзгөчө Антальяда жайгашкан фирмалар чыгым тартууда. Эми аларды алдыда оор кыш күтүп жатканан аталган басылма белгилейт.
"Товарларды дүңүнөн саткан компаниялар жабыр тартты. Ишкердигин таштагандар да жок эмес, бир катар жүк ташуучу машиналар жүгү менен артка кайтууда. Кризистен улам ички рынокко да чыктык, бирок, алар канчага чейин чыдайт биз билбейбиз", — деген пикирин экспортер Али Йандрик Today's Zaman гезитине билдирген.
Азыр түрк экономикасы оор учурду башынан өтөкрүүдө, 2015-жылы экспорт 8,4 пайызга түштү. Бул көрсөткүч 2016-жылы Түркияга каршы Россиянын санкциялары иштеп баштагандыктан дагы да көбөйөт, деп жазат Asia Times басылмасы.
Түркия менен Россиянын мамилеси Су-24 учагы атып түшүрүлгөн соң солгундап кеткен.
