БИШКЕК, 30-дек. — Sputnik. КТРКнын мурунку жетекчиси Кубат Оторбаев 63 добуш менен Акыйкатчы болуп шайланды.
Маалыматка ылайык, Оторбаевдин акыйкатчыга талапкерлигин парламенттин "Кыргызстан" жана КСДП фракциялары көрсөткөн. Жогорку Кеңештин төрагасы Асылбек Жээнбековдун сунушу менен жаңы акыйкатчы бүгүн эле ант берди. Өз сөзүндө акыйкатчы депутаттарга ыраазычылык билдирип, эл өкүлдөрү менен тыгыз иштөөгө сөз берди.
Акыйкатчылыкка "Ата Мекен" фракциясынан көрсөтүлгөн Толкунбек Исаков, Мавлян Аскарбеков, "Бир Болдон" Абдыжапар Бекматов, "Өнүгүү Прогресстен" Алишер Мамасалиев, "Республика — Ата Журт" фракциясынан Рита Карасартова, Нуркамил Мадалиев менен Кубатбек Оторбаев "Кыргызстан" фракциясынан катышкан.
Оторбаевге депутаттардын 63ү өз макулдугун берген.
