БИШКЕК, 28-дек. — Sputnik. Шри-Ланканын президенти Майтрипала Сирисена Энрике Иглесиастын концертин уюштургандарды жазалоону сунуштап жатканын Би-Би-Си агенттигине таянуу менен РИА Новости билдирди.
Өлкө башчысына кийимдерин чечип, сахнага чыгып, ырчыны өбүүгө аракет кылган күйөрман кыздардын тартиби жаккан эмес. Мындан тышкары, 50 миң рупийге (35-350 доллар) бааланган билет баасы да нааразычылык жараткан.
Сирисенанын айтымында, мындай тартип өлкөнүн маданиятына жат келет.
"Мен күйөрмандарды коргобойм. Бирок концертти уюштургандарды уулуу скаттын куйругу менен сабоону сунуштайм", — деди президент.
Мындай ыкма Шри-Ланкада орто кылымда өтө оор жаза катары пайдаланылып, кооптуу кылмышкерге карата колдонулган.
