БИШКЕК, 17-дек. — Sputnik. АКШнын президенти Барак Обама конгрессти жарым кылымдан бери Кубага болгон эмбаргону алуу боюнча кайтадан чакырды.
"Конгресс майнапсыз саясаттан улам киргизилген эмбаргону алуу менен кубалыктардын жашоо шартын жакшыртууну колдой алат", — деди ал.
Анын айтымында, демилге өз жемишин берип баштады.
"Ошол убакыттан бери биз мамлекеттер ортосундагы мамилени жөнгө салуу боюнча маанилүү кадамдарга бардык. Дипломатиялык байланышты калыбына келтирип, элчиликтер ачылып кишилердин барып келүүсү жана соода жакшырды", — деген пикирин АКШнын президенти билдирди.
Ал ошондой эле, америкалык менен кубалыктардын ортосунда жаңылыктарды алмашуу дагы жеңилдегенин айтты.
"Биз жалпы кызыкчылыктарды алдыга коюп, биздин мамилебизге тоскоол болуп келген оор делген көйгөйлөрдүн үстүндө иштеп жатабыз", — дейт Обама.
АКШнын жетекчиси Кубанын өкмөтү менен пикир келишпестиктер азыр деле бар экенин моюнга алат жана бул маселелер менен түздөн-түз иштер жасалып жатканын кошумчалады.
