БИШКЕК, 12-дек. — Sputnik. Үстүбүздөгү жылдын апрель-ноябрь айларынын аралыгында кыргызстандыктар электр энергиясын үнөмдүү пайдаланышканын "Түндүкэлектр" ишканасы билдирди.
Маалыматка ылайык, аталган мөөнөт ичинде Бишкектин тургундары электр энергиясын 56,2 миллион киловатт-саат же пландаштырылгандан 3,98 пайызга үнөмдөөгө жетишкен. Чүй облусунда бул көрсөткүч 1,8 пайызды түзсө, таластыктар электр энергиясын 3,13 пайызга аз сарпташкан.
Жыл башынан бери ишкана тарабынын чогултулган төлөмдүн көлөмү 5 миллиард 672 миллион сомду түзгөн. Ал эми аймактар боюнча бишкектиктер электр энергиясы үчүн белгиленген жалпы сумманын 96,22 пайызын төлөсө, Чүй облусунда бул көрсөткүч 98,1 жана Таласта 97,08 пайызды түзгөн.
