БИШКЕК, 9-дек. — Sputnik. Россиянын президенти Владимир Путин Дене тарбияны өнүктүрүү, спорт кеңешинин жана "Россия-2018" уюштуруу комитетинин байкоочу кеңешинин жыйынын ачып жатып спорт министри Виталий Муткого англис-орус сүйлөшмө китебин белек кылды.
"Виталий Леонтьевич Муткону туулган күнү менен куттуктайм. Виталий Леонтьевич бизде бир гана футбол жаатын жетектебестен, эл аралык аренада дагы жигердүү иштеп келе жатат. Ага англис тилин өз алдынча үйрөнүү китебин белек кылам", — деди ал.
Путин ошондой эле, тил үйрөнүүдө Муткого ийгилик каалады.
