БИШКЕК, 23-ноя. — Sputnik. Каршылык акциялары Австралиянын Мельбурн, Сидней, Перт шаарларында өтүп, бийликти калемпир аэрозолун пайдаланууга мажбур кылганын SkyNews телеканалына таянуу менен РИА Новости билдирди.
Мельбурнда мечиттин курулушуна каршы чыккандар жана бул демилгенин тарапташтары нааразылык акцияларына 500дөн адам алып чыгышты. Эки тарап кагылыша кетерде полиция аларга карата калемпир аэрозолун пайдаланган.
Мындан тышкары, полиция сегиз адамды колго түшүргөн. Анын үчөө куурал пайдаланууга аракет кылып, үчөө коомдук тартипти бузганы үчүн кармалганы маалымдалууда. Ал эми бир демонстрант полиция кызматкеринин минип турган атын тээп жиберип, жаныбарларга катаал мамиле жасаганы үчүн кармалды.
SkyNews каршылык акциялар башка шаарларда тынч өтүп жатканын белгилейт.
