БИШКЕК, 16-ноя. — Sputnik. Өлкөдөгү "112" бирдиктүү нөөмөт-диспетчердик кызматына бир сутканын ичинде 4935 чалуу болсо, анын ичинен 1360ы жөнү жок эле чалышкан. Бул тууралуу Өзгөчө кырдаалдар министрлигинин маалымат кызматы билдирди.
Маалыматка ылайык, эң көп чалуу Ош шаарында болгон. Аталган шаарда бир суткада 3245 чалуу болсо, анын ичинен 180 чалуу максатсыз чалынган.
Ал эми Бишкек шаары боюнча 1690 чалуу болсо, анын ичинен 1180и жөнү жок чалынган.
ӨКМдин Кризистик кырдаалда башкаруу борборунун кызматкерлеринин айтуусунда, сенсордук телефондордун контролсуз чалынышы максатсыз чалуулардын көп болушун шарттап жатат.
