БИШКЕК, 6-ноя. — Sputnik. Чехиянын Литомержице шаарында кыргыз жергеси тууралуу тартылган сүрөттөрдүн "Кыргызстан" аттуу көргөзмөсү өткөнүн Тышкы иштер министрлиги билдирди.
Маалыматка ылайык, 1-октябрдан 5-ноябрга чейин өткөн көргөзмөгө Кыргызстандын кереметтүү Ысык-Көл, Соң-Көл, Сары-Челек, Арсланбоб жерлери чагылдырылган сүрөттөр коюлган. Эксклюзивдүү иштердин авторлору Владислав Гергель, Петр Клингр менен Владислав Хошек үстүбүздөгү жылдын июнь айында атайы Кыргызстанга келип, ажайып табиятын сүрөткө тартып кетишкен.
Көргөзмөгө Кыргызстандын Австриядагы элчиси Эрмек Ибраимов катышып, Кыргызстандын ажайып табияты, туристтик потенциалы тууралуу баяндап, кыргыз жерин көрүп кетүүгө чакырып өттү.
