БИШКЕК, 5-ноя. — Sputnik. Бейшемби күнү эртең мененки саат 9.00дөн 20.00гө чейин Бишкектин айрым райондорунда ичүүчү суу болбой турганын "Бишкексууканал" башкармалыгы билдирди.
Маалыматка ылайык, муздак суу Түгөлбай ата көчөсүндөгү суу түтүгүн оңдоодон улам өчүрүлөт. Мындан улам Абдрахманов, Бөкөнбаев, Кулатов көчөлөрү менен Тынчтык проспектисинин аймагы муздак суусуз калат.
Башкармалык мындан тышкары, суу Улуттук госпиталдын айрым бөлүмдөрү, №1 төрөт үйү, музыкалык мектеп жана башка бир катар мекемелерге берилбей турганын белгиледи.
