БИШКЕК, 4-ноя. — Sputnik. Улуттук олимпиада комитетинин туңгуч президенти Эшим Кутманалиевдин элесине арналган эркин күрөш боюнча эл аралык турнир Бишкекте өтө турганын Мамлекеттик дене тарбия жана спорт агенттиги билдирди.
Мелдеш 24-25-ноябрь күндөрү Каба уулу Кожомкул атындагы спорт ордосунун концерттик залында өтөрү күтүлүүдө. Ага Кыргызстандын бардык аймагынан жана Россия, Казакстан, Тажикстан, Өзбекстандан келген жаш балбандар катышмакчы.
Мелдештин жеңүүчүлөрү медаль, диплом, кубок жана баалуу байгелер менен сыйланышат. Эл аралык турнир 1999-2001-жылдары жарыкка келген өспүрүмдөр арасында өтөт.
Иш-чара Кутманалиевдин элесин түбөлүккө калтыруу жана эркин күрөштү жайылтуу, жаш спортчулардын чеберчилигин арттыруу жана достук мамилелерди өнүктүрүү максатын көздөйт.
