БИШКЕК, 3-ноя. — Sputnik. 12 саатка созулган шамалдык кесепетинен төрт турак жайдын жана беш социалдык имараттын чатырлары жабыркап, 131 миң сом чыгым алып келген. Бул тууралуу ӨКМдин маалымат кызматы билдирди.
Балыкчы шаарында дүйшөмбү күнү таңкы саат 3:50дөн 16:15ге чейин ылдамдыгы секундасына 28 метрге жеткен катуу шамал катталган.
Шамалдан турак жайдын жана беш социалдык имараттын 107 шыйпыры учуп кеткен. Социалдык фонддун имаратанын чатыры, №10 Манас атындагы орто мектептин, №1 Лев Толстой атындагы гимназия мектебинин, №6 Саякбай Каралаев атындагы орто мектебинин жана Ысык-Көл индустриалдык педагогикалык колледжинен чатырлары жабыркаган.
Шаардык жарандык коргонуу комиссиясы тактоо иштерин жүргүзүштү. Өзгөчө кырдаалдар министрлигинин куткаруучулары турак жайдын коркунуч туудурган 30 чарчы метр чатырын жерге түшүрүп беришти.
