БИШКЕК, 30-окт. — Sputnik. Россиянын коомдук палатасынын коопсуздук боюнча комиссиясынын төрагасынын орун басары Дмитрий Чугунов "Ислам мамлекетинин" хакерлери жараткан кооптуулук россиянын интернет сегменттерине таасирин тийгизет деп тынчсызданууда.
Абалды карап, талдоо маселелси менен ал Россиянын ИИМинин жана Федералдык коопсуздук кызматынын (ФКК) жетекчисине кайрылды. Бул туурасында "Известия" басылмасы жазды.
"Ислам мамлекетинин" хакерлери өлкөнүн коргонуусун камсыздоочу маанилүү делген өзгөчө кайтаруудагы ресурстарына олуттуу чабуулдарды даярдап жатат деген маалыматтар пайда болгон. Өлкөнүн коопсуздугу боюнча иш алып барган атайын түзүмдөрдөн объективдүү маалыматтарды алуу үчүн мен бул кайрылууну даярдадым",— дейт Чугунов.
Интернет коопсуздугу боюнча адистердин айтымында, жарым жыл ичинде россиялык сегменттеги мамлекеттик уюмдар менен компаниялардын сайттарына "Ислам мамлекетинин" жана башка Жакынкы Чыгыш өлкөлөрүнүн хакерлери 600дөн ашуун чабуул жасашкан. Бул маалыматтар ИИМ менен Федералдык коопсуздук кызматына жөнөтүлгөн.
Россия 30-сентябрдан тартып "Ислам мамлекетинин" Сирияда жайгашкан жерлерине абадан сокку ура баштаган. Буга чейин бул өлкөнүн президенти Башар Асад Москвага жардам сурап кайрылган эле. Бул мезгил аралыгында Россиянын аба космикалык күчтөрү аба операцияларын жасап, жыйынтыгында, террорчулардын жүздөгөн согушкерлери, башкарып турган ондогон жайлары, кампалары жана объектилери жок кылынган. Мындан сырткары Каспий флотилиясынын кемелери 26 канаттуу ракеталарды колдонду.
