Шаар тургундарына акча сактоону оюн аркылуу түшүндүрүп беришет

Жазылуу
Банк мекемелеринен эми үй-бүлөлүк бюджетти түзүүнүн жана акчага аяр мамиле жасоонун маанилүүлүгүн билүүгө болот.

БИШКЕК, 30-окт. — Sputnik. Улуттук банк борбор калаада Дүйнөлүк акча сактоо күнүнө карата жумалык уюштуруу демилгесин алып чыкканын аталган мекеме билдирди.

Жума күнү бир нече коммерциялык банктардын шаардагы филиалдарында ачык эшик күндөрү уюштурулат.

"Банктар оюн-зоок, викторина, акча сактоо, бюджетти түзүү жана ага болгон мамиле боюнча окуулар камтылган программаларды иштеп чыкты. Мунун баары келгендердин назарына тартууланат", — деп айтылат билдирүүдө.

Улуттук банк Дүйнөлүк акча сактоо күнүн белгилөө калктын финансылык сабаттуулугун жогорулатууда чоң мааниге ээ болуп, акча сактоонун артыкчылыгын түшүндүрүүчү атайын иш-чараларды өткөрүүгө мыкты себеп экенин белгилейт.

Бул күнү дүйнө боюнча мамлекеттик мекемелер менен финансылык компаниялар акча сактоонун маанилүүлүгүн түшүндүрүп беришет.

Жаңылыктар түрмөгү
0