БИШКЕК, 29-окт. — Sputnik. Кыргызстанда башкаруу органдары жана жарандык коргонуу күчтөрүнүн биргелешкен командалык машыгуулары жүрүүдө. Бул тууралуу Өзгөчө кырдаалдар министрлигинин маалымат кызматы билдирди.
Аталган машыгуулар 29-30-октябрда өтүп, жаратылыш кырсыктары учурунда жарандарды куткаруунун комплекстүү көнүгүүлөрү иштелип, ыкчам жардам берүү аракеттери жүргүзүлөт.
Машыгуунун биринчи күнү жер титирөө учурунда көрүлө турчу алгачкы чаралар боюнча аракеттер көрүлөт. Мындай кырдаал учурунда зарыл болгон биринчи жардамды берүү жана анын кесепеттерин жоюу боюнча көнүгүүлөр жасалат.
Машыгуунун экинчи күнү өзгөчө кырдаал түзүлгөн учурда бардык тараптан жардам берүү чаралары көрүлүп, тийиштүү органдардын өз ара кызматташтыгы көрсөтүлөт. Мында ошондой эле аскерий жардамдарды берүү жагы да каралган.
Мындай машыгуулардын максаты Жарандык куткаруу органдардынын даярдыгын текшерип, алардын тажрыйбасын арттыруу болуп саналат.
Машыгуунун аягында тийиштүү органдардын даярдыгы бааланат.
