Бишкек шаарындагы окуучуларга экстремизм, терроризм боюнча түшүндүрүү иштери жүрүүдө

© Sputnik / Кирилл Брага / Медиабанкка өтүүОрто мектепте сабак учуру. Архив
Орто мектепте сабак учуру. Архив - Sputnik Кыргызстан
Жазылуу
Мектептердеги рэкетчилик сыяктуу терс көрүнүштөр окуучуларга кеңири түшүндүрүлүп, анын аягы түрмөгө алып келе турганы ачык айтылууда.

БИШКЕК, 28-окт. — Sputnik. Бишкек шаарынын Биринчи Май РИИБи мектептерде кылмыштуулукка каршы күрөшүү жана анын алдын алуу боюнча түшүндүрүү иштерин жүргүзүүдө. Бул тууралуу Бишкек ШИИББдин маалымат кызматы билдирди.

№38 мектепке кол салуу – талкаланган терезе, даярдалган таяк жана жаалданган балдар
Түшүндүрүү иштери Биринчи Май районундагы бардык мектептердин 8-класстын окуучуларынан тартып 11-класстын окуучуларынын арасында жүргүзүлүүдө.

Милиция кызматкерлери окуучулардын тартип бузуулары, кылган кылмыштары күч органдары тарабынан катталып, кийин орто мектепти бүтүп жогорку окуу жайына барганда, же болбосо жумушка орношоордо жасаган кылмыштары эске алынып, терс таасирлерин тийгизерин баса айтышууда. 

"Мектептердеги рэкетчилик сыяктуу терс көрүнүштөр окуучуларга кеңири түшүндүрүлүп, анын аягы түрмөгө алып келе турганы ачык айтылууда", — деп жазылат билдирүүдө.

Окуучулар арасында мындай жат көрүнүштөрдөн сырткары, диний көз караштарга болгон түшүндүрмө берилүүдө. Азыркы учурда Сириядагы болуп жаткан согушта Ислам мамлекетин орнотууга аракет кылып жаткан террорчулар тууралуу да окуучуларга кеңири маалымат берилди. Ар кандай диний агымдардын өкүлдөрү менен сүйлөшүүдө өтө этият болуу керектигин, диний агымдар жакшы жакка алып келбей турганы баса белгиленди.

Жаңылыктар түрмөгү
0