Сүрөтчү Александр Федоров ырчы менен 1974-жылы режиссер Геннадий Базаровдун тасмасын тартуу учурунда таанышканын эскерет. Ал аябай жумшак, жароокер, колу ачык жана шайыр адам эле. Атактуу адамдарга таандык бой көтөргөн обу жоктуктан таптакыр алыс болгон.
"Болоттун керемет үнүн укканга чейин операга салкын эле карачуму. Кийин ишке байланыштуу экөөбүз бир нече ирет жолуктук", — дейт Федоров.
Фотографтын айтымында, СССРдин Жогорку Советинин депутаты болуп турганда Миңжылкыев бир күнү күбөлүгүн жоготуп алат.
"Шашып-бушуп мага чалыптыр. Бир сааттын ичинде жасап бергем. Архивимде сакталып турат", — дейт сүрөтчү.
Болот Миңжылкыев 1940-жылы 23-апрелде Ысык-Көл облусунун Тору-Айгыр айылында төрөлгөн. Ташкенттеги консерваторияда окуп жана атактуу "Ла Скала" театрында Дженнаро Барра менен Артуро Мерлиниден сабак алган.
