Демилгени жүзөгө ашырууга Баткен шаардык социалдык өнүгүү башкармалыгы, "Эльнура" жана "Бабушка Эдопшн" коомдук кайрымдуулук фондулары салым кошкон.
"Бул жерде аксакалдар бир пияла чайды бөлүшүп ичип, көңүлү тарткан адамдар менен өткөн-кеткендерди кеп кылып, сүйлөшүп, чер жазып кетишет. Ал тургай шахмат, домино ойношот. Себеби, алар кечке үйүндө жалгыз отурганда зеригет эмеспи", — деди Баткен облустук аксакалдар кеңешинин төрагасы Жолдош Туйгунов.
Туйгунов долбоордун аткарылышы жана иш жүзүнө ашырылышы Баткен шаарындагы улгайган жарандардын социалдык, экономикалык маселелерин чечүүгө жана калктын аялуу катмары болгон жакырчылыкты азайтууга көмөкчү болорун айтты.
Баткен шаарындагы жана анын айланасындагы айылдардагы муктаж болгондор курулган мончого акысыз түшөт. Долбоорду жазгандар бул борбор жаңыдан ишке кирип жаткан мончонун тейлөө акысынан түшкөн каражаттын эсебинен колдоого алынарын айтты.
