БИШКЕК, 28-сен. — Sputnik. Sputnik эл аралык маалымат агенттиги жана радиосу өз сайтында "Шайлоо-2015" атайын долбоорун баштады.
Долбоор шайлоо тууралуу бардык маалыматты камтыйт. Жаңылыктар, аналитика, инфографика жана башка кызыктуу материалдарды бир жерден окуганга шарт түзүлөт.
Аналитика шайлоодон кийинки Кыргызстандагы абал тууралуу ой жүгүртүп, келечектеги кадамдарын аныктоого түрткү болот.
Парламенттик шайлоо 2015-жылдын 4-октябрына белгиленген. Ага 14 саясий партиянын катышуусу күтүлүүдө. Кыргызстандын 2,8 миллион жашоочусу добуш берүү укугуна ээ.
Sputnik — ондогон өлкөлөрдө мультимедиялык маалыматтык хабдарга ээ маалымат агенттиги болуп саналат. Sputnik өзүнө сайттарды, аналогдук жана санарип радиоберүүнү, мобилдүү тиркемелерди жана социалдык тармактарда баракчаларды камтыйт. Атайын жазылгандар үчүн Sputnik күнү-түнү англис, араб, испан жана кытай сыяктуу 35 тилде маалыматтарды таратат.
