Азиз ишкер Бишкекте ашкана ачып, майыптарды жумушка алып жатат

Жазылуу
Yandex newsTelegram
Азиздер жана дүлөйлөр коомунун кызматкерлери менен тикмечилеринин курсагын тойгузуп келе жаткан ашкананы көзү көрбөгөн Каныбек Бегиматов он жылдан бери башкарып келет. Ишкер мындай жол менен "өкмөткө көз каранды болбой" жашаганга аракет кылууда.

59 жаштагы Каныбек Бегиматов Бишкекте ачкан ашканасына жумушка көзү көрбөгөн майыптарды алууга басым жасайт. Мунусун "аларга көбүрөөк ишене тургандыгы" менен түшүндүрдү.

Бишкекте азиз киши капчыгын түшүрүп алганда, көзү көргөндөрдүн мамилесине таңгаласыз
Биз сөз кылып жаткан ашкана Бишкектин борборунда, Кыргызстандын азиздер жана дүлөйлөр коомунун имаратынын жанында иштейт.

Каныбек мурда базарда майда-чүйдө сатып тыйын тапканга аракет кылган. Кийин аялы экөө Азиздер жана дүлөйлөр коомунда иштегендер үчүн майга бышырып токоч сатып жүрүшкөн. Бир аз убакыттан кийин жубайларга аталган коомдун жетекчиси анда иштегендерге толук кандуу тамак-аш жасап туруу үчүн кайрылып… ашкана пайда болуптур. Андан бери он жыл өттү.

Бизнесмен көзү көрбөгөндөрдү гана ишке алууга басым жасарын айтты.

"Алар башкаларга караганда, ишке дилгир. Анан көбүрөөк ишенесиң",— деди Бегиматов.

Ал эми мамлекеттин жардамына жубайы экөө тең алда качан эле таянбай калышкан, себеби, "алган акча эч нерсеге жетпейт" дешти.

Жубайлар көзү көрбөгөндүгү үчүн майыптыкка чыгышкан. Бермет экинчи топтогу, ал эми Каныбек беш жылдан бери биринчи топтогу майып деген каттоодо турат.

Жаңылыктар түрмөгү
0