БИШКЕК, 1-сен. — Sputnik. Мичиган университетинин окумуштуулары өзүндө пайда болгон жыртык-тешикти радиоктивдүү суюктуктун жардамы менен өзү бүтөп калыбына келтире ала турган материалды иштеп чыгышты деп жазат New Scientist.
Кайра калыбына келүү процесси полимердик эки барактын ортосуна жайгаштырылган трибутилборан (tributylborane) аттуу химиялык заттын жардамы менен жүрөт. Бул зат кычкылтек менен реакция жүргүзүп, катып калуу жөндөмүнө ээ. Ошонун натыйжасында тилик бир нече көз ирмемде бүөлүп калат.
Журнал белгилегендей, мындай ачылыш "Терминатор-2" кинотасмасын эске салат. Анда каармандардын бири суюк металлдан жасалган жана азыркы айтылып жаткан металл сыяктуу тез калыбына келүү жөндөмүнө ээ болгон.
Макалада өзүн-өзү калыбына келтирүүчү дагы башка материалдар да бар экени айтылат, бирок алар өзүн "оңдогонго" көбүрөөк убакыт кетет.
Тешикти заматта бүтөп коюу мүмкүнчүлүгү айрыкча орбитада көп убакыт өткөрө турган астронавттарга өтө пайдалуу болмок, себеби ал жакта ар бир доо кеткен объект өлүм коркунучун жаратат.
