БИШКЕК, 3-авг — Sputnik. Кемин районунда үч унаа кагылышкан жол кырсыгы катталганын ӨКМ билдирет.
Маалыматка ылайык, окуя Бишкек — Торугарт автожолунун 97-чакырымында болуп, "УАЗ", "Тойота" жана жүк ташуучу "Вольво" унаалары кагышкан.
Натыйжада "УАЗ" машинасынын айдоочусу Эшимжанов башынан жаракат алып, ооруканага жеткирилди. "Тойотанын" ээси Дрожчи көкүрөгүнөн жаракат алган, бирок ооруканага баруудан баш тарткан. Үчүнчү унаанын айдоочусу жаракат алган эмес, учурда аты-жөнү такталып жатат.
Кырсык болгон жерге куткаруучулар келип, жабыркагандарга биринчи медициналык жардам көрсөтүшкөн.
