БИШКЕК, 29-июль — Sputnik. Талас облусунда парламенттик шайлоого карата жаңы технологиядагы программаны жана жабдууларды тестирлөө башталганын Мамлекеттик каттоо кызматы билдирет.
Иштер Каттоо кызматынан алдындагы "Маалымат кызматынын адистештирилген борбору" мекемесинин директору Салмоорбек Абдразаковдун жетекчилиги алдында жүрүп жатат.
"Тестирлөө учурунда айрым техникалык мүчүлүштүктөр аныкталып, четтетилди. Учурда текшерүү иштери активдүү жүрүп жатат", — деди ал.
Маалыматка ылайык, Талас облусунда идентификацияны 28 оператордон турган 14 топ жүргүзүүдө. Бүгүн, 29-июль күнү, тестирлөө Талас шаарында жана Талас районунда өтүп жатат. Кара-Буура жана Бакай-Ата райондорунда текшерүү иштери 31-июлда өтөт. Жалпы Талас облусу боюнча шайлоого карата жаңы технологиядагы программаны жана жабдууларды тестирлөө 31-июлда аяктайт.
Үстүбүздөгү жылдын август айынын башында Чүй облусу жана Бишкек шаары тесттен өтөт.
