БИШКЕК, 29-июль — Sputnik. Баткен облусунда шайлоого карата жаңы технологиядагы программаны жана жабдууларды тестирлөөдөн аймакта 2 648 жаран өтттү. Бул туурасында мамлекеттик реестрин киргизүү жана биометрикалык маалыматтарын тактоо, статистикалык маалыматтарды чогултууну ишке ашыруу боюнча түзүлгөн штабдын катчысы Алимбек Матмуратов билдирди.
Тестирлөөнү 10 оператордон турган үч топ жүргүзүп, алардын ар бири бештен жабдык комплекти менен камтылат.
Штабдын катчысынын айтымында, шайлоого карата жаңы технологиядагы программаны жана жабдууларды тестирлөө Баткен облусунун эң алыскы айылдарында кызуу жүрүп жатат.
"Тестирлөөнүн жүрүшүндө айрым гана техникалык мүчүлүштүктөр болбосо негизинен ийгиликтүү өтүп жатат", — деди Матмуратов.
шайлоого карата жаңы технологиядагы программаны жана жабдууларды тестирлөөдөн өткөрүү шайлоодогу "айлампа" ыкмасынын жолун бууп, маалыматтардын так, тууралыгын камсыздайт.
