БИШКЕК, 27-июль — Sputnik. Ала-Арча суусунун деңгээли көтөрүлүп Маевка айылында көпүрөнүн жарымын алып кеткенин ӨКМ маалымат кызматы билдирет.
Маалыматка ылайык, 25-июль күнү саат 08.35те суу көтөрүлүп Ала-Арча жана Виноградный көчөлөрүндө жайгашкан турак үйлөрдү суу каптоо коркунучу жаралган.
Айыл аймагы жана жергиликтүү тургундар тарабынан бир унаа бетон куюлуп, көпүрөнү калыбына келтирүү иштери аяктады.
Мындан тышкары, жээктерди бекемдөө иштерине 20 куткаруучу тартылып, 550 капка кум толтурулуп, жээкке тизилди.
