БИШКЕК, 16-июль — Sputnik. Президент Алмазбек Атамбаев ЕАЭБ алкагында медициналык буюмдарды жүгүртүүнүн бирдиктүү принциптери жана эрежелери жөнүндө макулдашууга Кыргызстандын кошулушу тууралуу мыйзамга кол койгонун өлкө башчынын маалымат кызматы билдирди.
Маалыматка ылайык, ЕАЭБ мамлекеттери уюм алкагында дары каражаттарынын жалпы рыногун түзүү максатында медициналык буюмдарды жүгүртүүнүн бирдиктүү принциптери жана эрежелери жөнүндө макулдашуу түзүшкөн.
Мындан улам бул багытта уюмга мүчө мамлекеттердин мыйзамдарын бир бирине шайкеш келтирүү үчүн зарыл болгон чаралар көрүлүп, медициналык буюмдардын сапатын камсыз кылуу системасын түзүүгө бирдиктүү ыкмалар пайдаланылат.
Мыйзам Жогорку Кеңеш тарабынан 2015-жылдын 17-июнунда кабыл алынган.
Мыйзам 2016-жылдын 1-январынан кийин күчүнө кирет.
