БИШКЕК, 15-июль — Sputnik. Вице-премьер-министр Абдрахман Маматалиев жол коопсуздугу боюнча Токтогул районунда болгон көчмө жыйынга катышканын өкмөттүн маалымат кызматы билдирди.
Маматалиев жолдорду көзөмөлдөгөндөн кийин бир катар кемчиликтерди айтты. Өзгөчө Бишкек – Ош кан жолунда аң-чөнөктөрдүн пайда болгонуна, жол сызыктарынын өчүп калганына, жолдордун жээктери желип кеткенине көңүл бурду. Андан сырткары бир катар аймактарда канчанчы чакырым экенин көрсөткөн түркүктөрдүн жоктугун баса белгиледи.
Вице-премьер-министр Ички иштер министрлигине жана Транспорт министрлигине айтылган кемчиликтерди жоюп, жолдо жүрүүнүн коопсуздугун камсыз кылуу боюнча иштерди күчөтүүсү керектигин тапшырды.
