БИШКЕК, 13-июль — Sputnik. Курамында кыргызстандык жаш өнөрпоздор бар ТЮРКСОЙ жаштар камерикалык хору Экинчи европалык хор фестивалында үч алтын медалга ээ болушканын ТЮРКСОЙдогу КР өкүлү Кожогелди Кулуев билдирди.
Маалыматка ылайык, иш-чара Германиянын Магдебург шаарында өтүп, анда 35 өлкөдөн келген 100 хор топтору катышууда.
ТЮРКСОЙ хор тобундагы 32 музыканттын арасында Кыргызстандан Айдай Дүйшөмбек кызы, Таир Бейшеев, Улан Асамудинов, Сымбат Кайыпчы кызы бар.
Экинчи европалык хор фестивалында кыргыздын "Комузчу", "Таранчы", "Сүйгѳнүм чыкса болбойбу" ырлары жаңырды.
ТЮРКСОЙ коллективи "Заманбап музыка", "Фольклор" жана "Руханий музыка" номинациялары боюнча эң мыкты деп табылып, үч алтын медалга ээ болду.
Биринчи европалык хор фестивалы Австрияда өткөн.
