БИШКЕК, 7-июль — Sputnik. Алай районунда бюджеттин эсебинен эки бала бакча курулуп жатканын Каржы министрлигинин маалымат кызматы билдирди.
Маалыматка ылайык, бала бакчалар бюджеттик каражаттын эсебинен курулууда. Гүлчө айылындагы имараттын курулушу 2014-жылы башталган, жалпы сметалык баасы 38,8 миллион сомду түзөт. Курулуш иштери башталгандан тарта республикалык бюджеттен жалпысы 11 миллион сом бөлүнгөн, анын үч миллиону быйыл берилди.
Ал эми экинчи бала бакча Жошолу айылында жаңыдан курула баштады. Имараттын болжолдуу сметалык баасы 15 миллион сомду түзөт.
