Жыл сайын республика боюнча 16 жашка чейинки 200 ашуун бала жол кырсыктарынан ар түрдүү жаракат алышат.
Аварияларга карата жүргүзүлгөн талдоо балдардын коопсуз жол кыймылы боюнча билим-тажрыйбасы жана байкоочулук жөндөмү жетишсиздиги жол кырсыктарынын башкы себеби экенин аныктаган. Балдар жолду кунт коюп карап, машиналардын кыймыл ылдамдыгын баалай албайт. Анан калса, токтоп турган унаанын ары жагында башка унаа катуу келе жатканын байкабай, же жүрүп келе жатканы пайда болобу, жолду көрсөтпөй тозуп турган башка бир нерсе (бадал, тосмолор, киоск ж.б.) болобу, билбей калышы ыктымал.
Жол күзөт кызматкерлери кырдаалга көп байкоо салуу жана жолдогу кыймылды машыктыруу балада зарыл коопсуздук көндүмдөрү иштелип чыгышына алып келет деп эсептейт. Бул максаттарга жетүү үчүн ата-энелер балдарды көчөдө дайыма коштоп жүрүүлөрү керек.
