"Көп эмгекти талап кылат. Беш педаль бир учурда ойнолот, баарын башкарыш керек. Алгач, оор болду, дагы көп эмгек бар алдыда, тактекелерди дагы ийкемдүү кылыш керек", — дейт Айнура.
Айнуранын тактекелери азыр жетөө. Кыл кыяктын күүсү чыкканда, төрт теке алдыда ары-бери тегеренет, ортодо экөөсү секирип сүзүшөт, эң төбөсүндө бирөө турат.
Күүнүн автору — Нурлан Нышанов, тактекелерди ээр уста Жылкычы Шаршенбиев жасаган.
Биздин замандаштардын акыркыларынан комуз менен тактеке ойноткон Нурак Абдрахманов болгон. Буга чейин ооз комуз жана комуз менен ойнотуп келишкен.
