БИШКЕК, 29-май – Sputnik. Кыргызстанда электр энергиясына болгон тарифти жогорулатуу мөөнөтү кийинкиге жылдырылганын Отун-энергетикалык комплексти жөнгө салуу боюнча мамлекеттик агенттик билдирди.
Алмазбек Атамбаев 28-май күнү премьер-министрди кабыл алып жатып, өкмөттүн электр энергиясына болгон бааны 70 тыйындан 84 тыйынга чейин жогорулатуусун кайра карап чыгуу керектигин жана бийик тоолуу аймактарда жашаган калктын жашоо-турмушун эске алуу зарылдыгын белгилеген.
Маалыматка ылайык, агенттик тарабынан аталган тариф өлкөнүн бийик тоолуу райондорунда жашаган тургундарды электр менен жабдуунун өзгөчөлүктөрүн эске алуу менен кошумча эсептелинет.
Мындан улам тарифтик саясатка ылайык, жаңы тарифтерди киргизүү мөөнөтү кийинкиге жылдырылды.
