БИШКЕК, 22-май — Sputnik. Кытайлыктарга алтын казууга берилген лицензия жасалма болуп чыкты деп билдирди Экономикалык кылмыштар менен күрөшүү боюнча мамлекеттик кызматтын маалымат кызматынан.
Кытай жаранынын арызынын негизинде "Консолидейтед Аурум" ЖЧКсынын жетекчилиги тарабынан жасалган алдамчылык боюнча ыкчам-иликтөө иштери жүргүзүлдү.
Аталган кызматтан билдиргендей, ЖЧКнын жетекчилиги алтын кенин саткан, ал эми аны иштетүүгө уруксат берүүчү лицензия жасалма болуп чыккан. Кытай жараны бул кен үчүн бул ишканага 17 миллион 200 миң сом которгон.
Аталган факт боюнча КРдин КЖКнын 166-беренесине (алдамчылык) жана 350-беренесине (жасалма документ) ылайык кылмыш иши козголду.
