БИШКЕК, 20-май — Sputnik. Катуу жааган жаандын кесепетинен Сокулук районундагы дарыянын суусу көтөрүлүп, алты айылды каптаа кеткен. Андан сырткары, район аймагындагы беш көпүрөнү сел алып кеткенин ӨКМдин маалымат кызматы билдирди.
Нөшөрлөп жааган жаандын кесепетинен Кызыл-Туу, Күн-туу, Саз айыл, Төш-Булак, Гавриловска, Крупская айыл аймагындагы ондон ашык айылды суу каптаган. Ошондой эле Сокулук дарыясындагы эки көпүрө, Жыламыш суусундагы эки көпүрө жана Конок каналында бир көпүрө агып кеткен.
Суу каптаган айылдарда ӨКМдин Чүй облусу боюнча башкармалыгынан ыкчам топ иштеп жатат. Ошондой эле Ново-Павловка айыл аймагында бир экскаватор, райондук жарандык коргонуунун суу коргоо кызматынан бир жүктөгүч, райондук жол-көпүрө кызматынан эки жүктөгүч, бир грейдер, жеке менчик бир жүктөгүч, Крупская айыл аймагынан бир жүктөгүч иштеп жатат.
Учурда келтирилген чыгымдар эсептелүүдө.
