БИШКЕК, 30-апр. — Sputnik. Коомдук тартипти камсыз кылууда чараларды күчөтүү боюнча өлкө башчы "КР Администрациялык жооперчилик жөнүндө кодексине толуктоолорду киргизүү тууралуу" мыйзамына кол койгонун президенттин маалымат кызматы билдирди.
Мыйзамга киргизилген толуктоого ылайык, кодекс жаңы 373-беренеси менен толукталып, анда администрациялык камоодо болуу, ордунан өзү билип кетип калуу же администрациялык камоодо болуудан баш тартуу үчүн жоопкерчилик каралган. Андан тышкары кодекстин 630-беренесинде такталган негиздер болсо, администрациялык камоо жөнүндө токтомду аткаруу судья тарабынан үч суткалык мөөнөткө чейин токтотула турушу же биротоло токтолушу мүмкүн.
Мыйзам расмий жарыяланган күндөн тартып 10 күн өткөндөн кийин күчүнө кирет.
Мыйзам Жогорку Кеңеш тарабынан 2015-жылдын 18-мартында кабыл алынган.
