Апрель, май айларында жаңы казылган картошка базарга чыгып калат.
Жаңы картошка баш ооруп жатканда жакшы жардам берет. Картошканын курамындагы калий бөйрөк жана жүрөк ооруга жакшы.
Картошканын пайдалуулугу көп болгону менен ошол эле учурда адамдын ден соолугуна олуттуу зыян алып келиши ыктымал. Эгер аны үч айдан ашык сактаса, анын ичине соланин уусу чогулуп, адамдын ден соолугуна зыянын тийгизет.
Жакшы жуулбай калган, же жакшы быша элек картошкадан да уулануу мүмкүн. Анын белгилери: көңүл айнуу, кусуу, баш оору, дене табынын көтөрүлүшү жана башкалар. Мындай учурда дарыгерге сөзсүз кайрылуу керек.
Базарда помидор арзандады. Бир килограмм помидордун баасы 120 сом. Бадыраңга талап көп болгондуктан, анын баасы 40 сомго кымбаттап, 130 сом болду. Ошондой эле койдун эти 30 сомго кымбаттады.
