БИШКЕК, 23-мар. — Sputnik. Ош облусунун мусулмандар казыятынын комплекстүү кеңселик имараты Кара-Суу районунун Фуркат айылына түшмөй болду. Бул туурасында Ош облусунун мусулмандар казыятынын маалымат кызматы кабарлады.
Кыргызстан Мусулмандарынын муфтийи Максат ажы Токтомушев Ош облусунун казыятынын жамааты менен жолугуп, казыяттын кеңселик имаратын курууну талкуулады.
Имаратты Кара-Суу районунун Фуркат айылындагы "Ат-Термизий" мечитинин аймагына куруу сунушталган. Муфтий жалпы жамааттын ар биринин сунуш-пикирин, альтернативаларды уккан соң, казыяттын имаратын "Ат-Термизий" мечитинин аймагына куруу боюнча чечим кабыл алынды.
Келечекте курула турган жай үч кабаттан туруп, мечит, кеңсе, окуу залы жана мейманканасы менен комплекстүү имарат болмокчу.
