БИШКЕК, 11-мар. — Sputnik. Күндүн кезектеги толук тутулушун Жерден 2015-жылдын 20-мартында байкоого болот, ал эми Европа менен Россиянын айрым бөлүгүндө анын жарым-жартылай тутулуш фазасы көрүнөт.
Бул жолу күндүн тутулушу адаттагыдан башкача болот, себеби ал Түндүк уюлдан да көрүнөт. Ошол эле учурда Фарер аралдары менен Шпицберген архипелагынын гана жашоочулары Күндүн толук тутулушун көрө алышат. Ал эми чыгыш Сибирь жана Ыраакы Чыгыш аймактарына бул көрүнүштү байкоого болбойт.
Падышалык астрономиялык коом (Улуу Британия) билдиргендей, Күндүн тутулушун Улуу Британия менен Ирландиянын тургундары жарым-жартылай гана көрө алышат. Бирок баары бир ал британиялыктар үчүн 1999-жылдан 2026-жылга чейинки эң күчтүү Күн тутулуу болот.
