БИШКЕК, 9-янв — Sputnik. Өлкө башчысы Алмазбек Атамбаев "Газпром Кыргызстан" энергетикалык компаниясынын башкы директору Болот Абилдаевди кабыл алды.
Ал мамлекет башчысына өлкөдө геологиялык чалгындоо жүргүзүү иштери жөнүндө жана "Газпром Кыргызстандын" республиканын газтранспорттук системасын өнүктүрүү боюнча пландары тууралуу маалымат берди.
Атамбаев өлкөнүн – Баткен, Ош жана Жалал-Абад облустарын бириктирген газ түтүгү компания тарабынан долбоорлонуп курулушу керектигин жана аталган аймактардын керектөөчүлөрүнө жаратылыш газын газ чыккан жерлерден жеткирүүнүн өзгөчө маанисин баса белгиледи.
