БИШКЕК, 29-дек — Sputnik. Өзгөчө кырдаалдар министрлиги 29-декабрда буга чейинки жааган кардан жана күтүлүп жаткан аба ырайындагы өзгөрүүлөргө байланыштуу Кыргызстандын тоолуу райондорунун бир катар жолдорунда, ашууларда кар көчкү түшүп, күрткү болорун алдын ала билдирди. Министрлик, Бишкек — Ош унаа жолунун 121-137-жана 198-265-чакырымдарында, Ош облусундагы Мырзаке — Кара-Кулжа — Алайкуу унаа жолунун 45-90-жана 145-150-чакырымдарында, Жалал-Абад облусундагы Ала-Бука — Каныш-Кыя унаа жолунун 62-100-чакырымдарында, Казарман — Акталчат унаа жолунун 67-94-чакырымдарында (Кара-Көө ашуусу) жол жүргөндөр айбалашын эскертти.
"Жолдор тайгак болуп, муз тоңот. Унаалардын ортосундагы 500 метр аралык кыймылы так сакталышы зарыл", — деп айтылат министрликтин маалыматында.
