11:43 14 Бештин айы 2019
Түз эфир
  • USD69.8482
  • EUR78.0693
  • RUB1.1166
Россия президенти Владимир Путин Сауд Аравия королу Салман ибн Абдул-Азиз Аль Саудга Кыргызстандан алынган шумкар тартуулаган

Путин белек кылган шумкарлар үчүн Кыргызстанга ыраазычылык айтылды

© AFP 2019 / BANDAR ALGALOUD / SAUDI ROY COURT
Дүйнөдө
Кыскача шилтеме алуу
3078 0 0

Россия президенти 14-октябрда Сауд Аравия королу Салман ибн Абдул-Азиз Аль Саудга Кыргызстандан алынган шумкар тартуулаган. Эртеси ушундай эле белек Абу-Дабинин ханзаадасына да берилген.

БИШКЕК, 13-ноя. — Sputnik. Россиянын жаратылыш ресурстары жана экология министри Дмитрий Кобылкин Владимир Путин Сауд Аравиянын королуна берген шумкарлар үчүн Кыргызстанга ыраазычылык билдирди. Бул тууралуу аталган министрликтин маалымат кызматы кабарлады.

Кобылкин 8-ноябрь күнү Кыргызстандын Айлана-чөйрөнү коргоо жана токой чарбасы боюнча мамлекеттик агенттиктин директору Мирслав Аманкулов менен жолугуп, жаратылышты коргоо жаатындагы кызматташтык маселелерин талкуулаган.

"Кобылкин тартуу үчүн алынган шумкарларды жөнөтүүгө берилген уруксат жана документтерин даярдоо боюнча жоопкерчиликтүү вазийпанын так аткарылганы үчүн Кыргызстандын тийиштүү кызматтарына ыраазычылык билдирди. Шумкарлар Россия президенти Владимир Путиндин Жакынкы Чыгышка болгон расмий сапарынын алкагында белекке берилген", — деп айтылат маалыматта.

Эки тарап мындан кийинки кызматташуу боюнча пикир алышып, биотүрдүүлүктү сактоо багытындагы алаканы бекемдөө зарылдыгына токтолду. Мында кеп Россияда Эл аралык орнитологиялык борбор жана бир катар питомниктерди ачуу тууралуу жүрүүдө. Ал эми буларды иштетүүдө жогорудагы шумкарлар өстүрүлгөн "Мурас" борборунун тажрыйбасы колдонула турганы айтылды.

Белгилей кетсек, 14-октябрда Россия президенти Сауд Аравияга болгон расмий сапарынын алкагында король Салман ибн Абдул-Азиз Аль Саудга шумкар тартуулаган. Эртеси БАЭде Абу-Даби ханзаадасы Мухаммед бен Заид аль-Нахайянга да ушундай эле белек берген. Эки шумкар тең Ысык-Көлдөгү "Мурас" борборунда өстүрүлгөн.

Тема боюнча

Путин аткаминерлерди сасык тумоого каршы эмдөөдөн өтүүгө үндөдү. Видео
Путин маянасынын жарымын Египеттин президентине берерин айтып тамаша кылды. Видео
Белгилер:
Сауд Аравиясы, Владимир Путин, Ысык-Көл, шумкар

ЭҢ МААНИЛҮҮ