00:40 27 Бугу 2019
Түз эфир
  • USD69.8500
  • EUR78.1272
  • RUB1.0811
Урдалган унаа. Архивдик сүрөт

Кардармын деп 2 млн. евролук унааны уурдай качкан киши кармалды

© AFP 2019 / Dieter STANIEK / dpa
Дүйнөдө
Кыскача шилтеме алуу
140 0 0

Бул сейрек кездешкен жана өтө кымбат автокөлүк. Адатта мындай темир тулпарларды тоорукта сатышат.

БИШКЕК, 17-май — Sputnik. Эки миллион евро турган Ferrari автоунаасын Дюссельдорф шаарындагы тест-драйв учурунда уурдап кетишти. Бул туурасында BBC кабарлады.

Жергиликтүү полициянын билдиргенине караганда, шектүү адам автосалонго такси менен келип, эл алдына коюлган Ferrari 288 GTO автокөлүгүн сатып аларын айткан. Ага темир тулпарды айдап көрүү үчүн беришкен.

Эки саат бою айдап, тест-драйв аягына чыккандан кийин сатуучу жерге түшкөндө сатып алам деген киши газды басып, учура айдап, көздөн кайым болгон.

Автоунаа боюнча, документте ал мурда Формула-1дин атактуу айдоочусу Эдди Ирвайнга таандык экени, буга чейин 43 миң чакырым жүргөнү айтылган.

Британиялык Эдди Ирвайн Ferrari командасында 1996-1999-жылдары чыгып жүргөн. Бул сейрек кездешкен жана өтө кымбат автокөлүк. Адатта мындай темир тулпарларды Sotheby's тооругунда сатышат. Наркы болжол менен 3 миллион доллардын тегерегинде.

Уурдалган автокөлүктү Дюссельдорф шаарынан алыс эмес жердеги Гревенбройх шаарчасындагы гараждардын биринен табышкан.

Ал эми айдай качкан киши изин сууткан. Анткен менен автосалондогу камералар тартып калган сүрөттү полиция жарыя кылып, издөө салган.

Дилердик компаниянын жетекчиси Westdeutsche Allgemeine Zeitung басылмасына ал киши бир нече жума бою аларга жазып, чалып, Ferrari боюнча сурагандыгын айтып берген.

Ал автоунааны уурдап кетип, сатып жиберүүгө мүмкүн эместигин айтты. Мындай сейрек жана кымбат темир тулпарды сатып жатканда анын уурдалгандыгын билип коюшат. Себеби Ferrari 288 GTO саналуу санда, тагыраагы, 272 гана даанасы бар.

Тема боюнча

Эки Tiko уурдап, такси катары айдаган. Ошто 15 жаштагы өспүрүм кармалды
Ууру кылган иши үчүн 8 секундада "жазага" тартылып калды
Белгилер:
уурдоо, Германия

ЭҢ МААНИЛҮҮ