БИШКЕК, 4-май. — Sputnik. Челябинск облусуна караштуу Нязепетровск шаарында массалык киши өлтүрүү фактысы катталып, төрт чоң киши менен төрт жаштагы наристенин бычакталган сөөгү табылды. Бул тууралуу РИА Новости жазып чыкты.
Бир нече убакыттан соң таратылган маалыматта киши колдуу болгондор жарандык никеде жашаган жубайлар менен алардын үйүнө конокко келген эки балалуу аял жана дагы бир эркек киши экени аныкталды.
"Турак үйдөн коляскада жаткан дагы бир бөбөк табылды. Ал тирүү. Адам өлтүрүү боюнча кылмыш иши козголду. Ал эми үй ээлери менен меймандардын ичимдик ичип отурганы белгилүү болду", — деп айтылат маалыматта.
Билдирүүдө бычакталгандар 33 жана 32 жашта экени белгиленет.
Ушу тапта кылмышкерлерди издөө иш-аракеттери жүрүп жатат.
