Атамбаев: "Белиз гейт" материалдары боюнча азырынча жыйынтык жок

Жазылуу
Өлкө башчысы Алмазбек Атамбаев Ысык-Көл облусунун Чолпон-Ата шаарында журналисттер жана саясат таануучулар үчүн маалымат жыйын өткөрдү.

Атамбаев журналисттердин өлкөдө болуп жаткан саясий жана социалдык маселелер боюнча суроолорго жооп берди. Ошондой эле "Белиз гейт" материалдары боюнча да пикирин билдирди.

"Бул иш менин көзөмөлүмдө, прокуратурага тапшырылган. Кудай буюрса мен кызматтан кеткенге чейин бир жыйынтык болот деп ишенем. Эгер документтер туура эмес болсо Абдил Сегизбаев (УКМКнын жетекчиси — ред.) жооп берет деп айткам. Ачык айтып коёюн, азырынча ал материалдардын туура же туура эместигин аныктаган так бир жыйынтык жок", — деди Атамбаев.

Белгилей кетсек, 2016-жылдын ноябрында УКМКнын төрагасы Абдил Сегизбаев президент Алмазбек Атамбаевдин кабыл алуусунда болуп, Борбордук Америкадагы Белиз мамлекетинин расмий органдарынан траст документтерин алганын маалымдаган

Конференция Россия и мир: в поисках инновационной стратегии - Sputnik Кыргызстан
Атамбаев: Аскар Акаевди эч качан кечирбейм!
Ал документтер 2012-жылы апрелде "Альфа Телеком" ЖАКтын ошол учурга карата акцияларынын улутташтырыла элек бөлүгүн (акциялардын 50%дан ашыгы) сатуудан түшкөн 50 миллион АКШ долларынан ашык суммасын "Саутфилд" компаниясынын (божомолдор боюнча анын ээси Максим Бакиев болуп саналат) алышына мурдагы жогорку кызматтагы үч адамдын (азыр Жогорку Кеӊештин депутаттары) кызыкдар болгонун тастыктай турганы айтылган.

Президент бул маалыматтын чын-төгүнүн текшерүүнү башкы прокурорго тапшырган.

Парламенттин жыйынында Сегизбаев кеп "ата мекенчилер" Өмүрбек Текебаев, Аида Салянова жана Алмамбет Шыкмаматов жөнүндө болуп жатканын айткан. Өз кезегинде аталган депутаттар мындай аракетти саясий куугунтук катары баалаган.

Алмазбек Атамбаев, документ

Жаңылыктар түрмөгү
0