Түзөтүү колонияларында мындай иш-чаралар жыл сайын өтүп турат. Жетекчилик бардык катышуучуларга ыраазачылык билдирип, айрымдарына 300, 150 сомдун тегерегиндеги акчалай сыйлык берсе, кээсине кошумча жолугушууга уруксат берди.
№2 колониянын ар бир бөлүгү саламдашуу, интермедия жана бир номер даярдоосу каралган. Соңунда айымдардын өздөрүнүн колунан чыккан көйнөктөр сунушталды.
Натыйжада №4 отряддын айымдары жеңишке жетти.
Эркинен ажыратылган айымдын айтымында, розадан жасалган көйнөктү даярдоого бир нече күн жумшалган.
"Биздин команда бир нече жылдан бери алдыңкы орунду эч кимге бербей келет. Отрядыбызда 62 аял бар, баарыбыз даярдандык. Бул көйнөктү даярдоо үчүн эки миңге чукул кагаз майлык пайдаланылды", — деди ал.
Кыздарга эт туурагыч, шам чырак жана косметикалык каражаттар белекке берилди.
