Автоунааны кыш-күзгө кантип даярдаш керек. Адистен 6 кеңеш

© Sputnik / Илья Наймушин / Медиабанкка өтүүАвтомобильный рынок в Красноярске
Автомобильный рынок в Красноярске - Sputnik Кыргызстан, 1920, 25.08.2021
Жазылуу
Автоунаа боюнча эксперт темир тулпарды күз жана кыш мезгилине даярдоодо тетиктерди кандай баадагысын тандоо туурасында да айтты.

БИШКЕК, 25-авг. — Sputnik. Күн салкындап келе жатканда алдын ала кам көрүп, автоунаанын эмнесин биринчи даярдаш керектигин "За рулём" журналынын башкы редактору Максим Кадаков Sputnik радиосуна айтып берген.

Ал биринчи суукка чейин али бир топ убакыт бар экендигин белгилеп, бирок темир тулпардын ээси күз-кышка кете турган даярдыктын чыгымын алдын ала эсептесе чөнтөккө күч келбей тургандыгын эскерткен.

"Биринчиден, дөңгөлөккө кам көрүү керек. Эгерде өткөн жылдагыларынын абалы дурус болсо жакшы, эскирип калса жаңысын сатып алуу зарыл. Ал үчүн азыртан акча камдап, эртерээк сатып алып койгон жакшы. Себеби октябрга караганда акчасы алда канча арзан түшөт", — деген эксперт.

Кадаковдун айтымында, дагы бир көңүл бура турган нерсе — аккумулятор.

Автоунаага газ куюу. Архив - Sputnik Кыргызстан, 1920, 09.08.2021
Бензинди кантип үнөмдөсө болот. Адистин кеңеши
"Аккумулятор жакшы иштебей, кыймылдаткыч улам оорлоп, жайында же күн салкын болгон түндөрү от алуусу начарласа, күн сууктаганда кыйналарыңыз турган иш. Андыктан качан гана такыр болбой калганда эмес, азыр алмаштырып алыңыз", — деп кеңеш берген Кадаков.

Дагы маанилүү нерсе – маңдайкы айнекти тазалаган щёткалар. Аларды көптөн бери алмаштыра элек болсоңуз, эскиси менен узакка жүрө бериштин кажети жок.

"Жайында анча байкалбайт, ал эми кыш жакындаганда жамгыр, кар жааганда тазалап, щёткалар күн сайын иштейт эмеспи. Эгерде эскирсе айнек сүртүлбөй, алды жагыңызды тунук, даана көрө албай кыйналасыз. Ал эми түнкүсүн жүрүү кошумча түйшүк жаратат. Айнек тазалагычтын өтө арзанына качырбаңыз, анын сапаты начар. Абдан кымбатын да алып кереги жок. Орто эсеп менен 1,5-2 миң рублдин тегерегиндегилерин алсаңыз, жакшы кызмат кылып берет. Кийинки жылы баары бир кайра алмаштырууга туура келет", — деген эксперт.

Кадаков фараларды бир ирет көздөн кечирүү ашыктык кылбасын айтып, автоунаанын жылыткычын бир текшерип коюуну эскерткен. Себеби жайында колдонбогондуктан акыркы мезгилде кандай иштегени адатта автоунаа ээсинин эсинде деле калбайт.

Жаңылыктар түрмөгү
0