Камчы Көлбаев абакта калат. Жактоочулары доо арызын артка чакыртып алды

© Фото / пресс-служба ГКНБЗадержание криминального авторитета Камчы Кольбаева
Задержание криминального авторитета Камчы Кольбаева - Sputnik Кыргызстан
Жазылуу
Көлбаевдин жактоочулары райондук соттун аны тергөө абагына киргизүү чечимине макул болбой, Бишкек шаардык сотуна даттанган.

БИШКЕК, 3-ноя. — Sputnik. Бишкек шаардык сотунда кримтөбөл Камчы Көлбаевдин баш коргоо чарасын өзгөртүү боюнча доо арыз каралган жок. Бул туурасында Бишкек шаардык сотунун маалымат кызматы билдирди.

Буга жактоочулардын берген арызын кайра артка чакыртып алганы негиз болду.

Автомат менен кирип, колуна кишен кийгизип. Камчы Көлбаевди кармаган видео

Көлбаев Кылмыш-жаза кодексинин 249-беренесинин 1-бөлүгү менен ("Уюшкан кылмыштуу топ түзүү же ага катышуу") ушул жылдын 22-октябрында Бишкектен кармалган. Биринчи май райондук соту анын баш коргоо чарасын тандап, иш тергелип бүткөнгө чейин УКМКнын тергөө абагына киргизген.

Көлбаевдин адвокаттары буга макул болбой Бишкек шаардык сотуна апелляциялык арыз менен кайрылган.

Мындан улам кримтөбөлдүн баш коргоо чарасын өзгөртүү доо арызы бүгүн шаардык сотто саат 9.00дө каралмак.

Жаңылыктар түрмөгү
0