БИШКЕК, 15-июл. — Sputnik. Кыргызстанда соңку бир күндүн аралыгында коронавирус илдетин жуктуруп алган 11 адам көз жумду. Бул туурасында Коомдук саламаттык сактоо башкармалыгынын жетекчиси Айнура Акматова брифинг учурунда билдирди.
Бейтаптар төмөнкү ооруканаларда дарыланып жаткан:
- Ноокат аймактык ооруканасы — 55 жаштагы аял, медицина кызматкери;
- Кыргыз-түрк “Достук” ооруканасы — 63 жаштагы эркек киши;
- № 1 Шаардык клиникалык ооруканасы — 64 жаштагы эркек киши;
- Республикалык клиникалык инфекциялык ооруканасы — 72 жаштагы аял;
- Улуттук фтизиатрия борбору — 64 жаштагы эркек киши;
- Жайыл аймактык ооруканасы — 54 жана 61 жаштагы аялдар;
- Баткен облустук ооруканасынан — 49 жаштагы эркек киши, 58 жаштагы аял;
- Тоң аймактык ооруканасы — 58 жаштагы эркек киши, 36 жаштагы аял.
Ушуну менен коронавирус жуктуруп алып каза тапкандардын саны 160 кишини түздү.
Штаб COVID менен пневмониядан каза болгондорду көмүү эрежесин жарыялады
Өлкө аймагындагы соңку кабарлар менен биздин Telegram-каналдан таанышып туруңуз.
