11-майдан тарта иштечү коомдук транспорт саналуу гана жүргүнчү ташыйт

© пресс-служба мэрии города БишкекПрофилактика коронавируса в Кыргызстане
Профилактика коронавируса в Кыргызстане - Sputnik Кыргызстан
Жазылуу
Калаа тургундары келе жаткан дүйшөмбүдөн тарта коомдук транспорттун кызматын колдоно алышат. Бирок айдоочулар коомдук транспортко көп элди сала албайт, көзөмөлдө болушат.

БИШКЕК, 9-май — Sputnik. 11-майдан тарта Бишкекте коомдук транспорт, башкача айтканда, автобус, троллейбустар иштей баштайт. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.

Анын айтымында, айдоочулар тыкыр көзөмөлдө болушат.

"Автобустар менен троллейбустар санитардык коопсуздук эрежелерин сактап иштешет. Айдоочулар дагы көзөмөлдө болушат. Коомдук транспортторго көп эл салууга болбойт, саналуу гана адамды ташууга уруксат берилет. Коронавирус илдетин жуктургандардын саны өсүшү мүмкүн деген кооптонууга Саламаттык сактоо министрлиги даяр. Ооруканаларда кошумча койкалар бөлүнүп, медиктер да даярдалды", — деди Үсөнбаев.

Кыргызстанда коронавирус жуктуруп алгандардын саны 931ге жетти. Анын ичинен 658и айыгып, 12 бейтап көз жумду.

Жаңылыктар түрмөгү
0